رسولؐ ‌میرے پاس سے گزرے تو میں نے کہا

بسْــــــــــــــمِ ﷲِالرَّحْمن الرَّحِيم

 ام ہانی بنت ابی طالبؓ سے مروی ہے کہتی ہیں کہ رسولؐ ‌میرے پاس سے گزرے تو میں نے کہا:

 اے اللہ کے رسولؐ ! میں بوڑھی اور کمزور ہو چکی ہوں، مجھے کوئی عمل بتایئے جو میں بیٹھے بیٹھے کر سکوں۔

 آپؐ ‌نے فرمایا : سو مرتبہ سبحان اللہ کہو، یہ تمہارے لئے اولاد اسماعیل سے سو گردنیں آزاد کرنے کے برابر ہے۔

 اور سو مرتبہ الحمدللہ کہو، یہ تمہارے لئے سو عدد زین اور لگام پہنائے ہوئے ( تیار شدہ) گھوڑوں کے برابر ہوگاجو تم اللہ کے راستے میں دو۔

اور سو مرتبہ اللہ اکبر کہو، یہ تمہارے لئے نکیل ڈالی ہوئی مقبول اونٹنیوں کے برابر ہوگا۔

 سو مرتبہ لا الہ الا اللہ کہو۔ ابن خلف نے کہا: میرے خیال میں آپؐ ‌نے فرمایا: یہ آسمان و زمین کو بھر دے گا،

. اس دن کسی شخص کا عمل اتنا بلند نہیں ہو گا سوائے اس شخص کے جو اس طرح کہے.

السلسلة الصحیحہ : 2855